كل حقوقي

يعني ايه حقوقي؟ كلمة جديدة وكلنا مستغربنها يمكن في ناس متعرفش يعني ايه حق؟ لانها مش واخدة اي حق من حقوقها حتي ابسط الحقوق مش طايلنها ابسط الحقوق ان الشارع اللي بمشي فيه يكون نضيف ،اني اسكن في عمارة عدلة وشقة تكفي كل العايلة ،يعني يكون عندي لبس حلو البسه ،يكون في مطبخي اكل يكفي لحد اخر الشهر ،ويكون معايا فلوس تكفيني لحد اخر الشهر، يعني اقدر ادخل عيالي مدرسه كويسة يتعلموا ويتعاملوا كويس فيها، اني اشتغل وظيفة واحدة امن منها مستقبلي ومستقبل عيالي، اني اتعامل باحترام ويكون ليا كرامة والمعاملة دي لمجرد اني انسان ومش لاني ابن فلان وعلان او عندي فلوس او منصب اشتري بيهم الاحترام من الناس ،اقدر افسح عيالي يوم اجازتهم. هي دي احلام اي مواطن مصري مش طمعان في جاه او سلطان ولا حته فلوس بس انه يعيش في مكان محترم ويعرف يربي عياله ويلاقي الناس اللي حوليه بتحترمه وبتقدره انه يعيش ع الصورة اللي ربنا خلقه بيها انسان. لما كنت صغيرة كان في سؤال كتير كنت بساله لنفسي لما كنت بشوف فيلم اجنبي هو سؤال عبيط شوية ليه هما عندهم كل الاجهزة الكهربائبة واجهزة المطبخ كلها حديثة واحنا لا، ليه اخر ناس بتوصلنا الحاجات دي لما كنت بشوف المطابخ في الافلام الامريكاني دايما كان بيكون نفسي انا كمان يكون مطبخنا كدا يمكن الموضوع دا بالنسبة لكم تافه بس انا بجد نفسي يكون كل بيت مصري هو احسن بيت عصري وفيه كل حاجة ونفسي ان كل انسان مصري يكون افضل انسان في الدنيا وان مصر تكون احسن بلد في الدنيا 
يا رب